breakfast @ayyami
28 Feb 2012 Leave a Comment
جربنا ريوق ايامي مره وعجبنا قلنا نعزم امي تجرب ريوقهم
الخبز ماعليه كلام والخبز الاخضر عجبني
طلبنا جاي حليب و جاي عادي وعصير ليمون حق الجعده
طلبنا سطلة عدس امي قالت حلوه وفعلا طلعت لذيذه
الي يحب الفلافل يطلبهم انا ماحب الفلافل كنت متفرجه لول
احلى شي عجبني حمص كوسا استغربنا من اسمه اول شي بس قلنا نجرب واختيارنا كان موفق اعطيه 9/10
بيض مع خضره حلو
هذا طبقي المفصل طبلية ريوق عباره عن خبز مع بيض وخضره
لاتطوفكم هالطبليه خبز عروق بالجبن والجرجير انا ماحبيت الصوب الي فيه بصل اما الجبن والجرجير عجيييب اعطيه 10 /10
كل مانروح ايامي اقول بطلب بومالي ورمان بس اشبع وماقدر اطلبه انشالله المره اليايه اطلبه :p
القعده بره وقت الريوق حلوه والخدمه ممتازه الابتسامه مافارقت ويه الي يشتغلون
ابو الحصانيه ذا فيلج
الخوات صاروا عمات
28 Feb 2012 2 Comments
الحمد الله تاريخ 18 فبراير صرنا عمات لاول حفيد بعايلتنا الصغيره
الحمد الله شرف بيبي يويو بعد انتظاااااااار طويل واحلى مافي الموضوع انه ماخذ من كل عمه شوي عسى الله يخليك لنا
اول لحظه بين يويو وابوه
ريله متقرفطه ومن شفناها سميناه جكن نقتس
عزيمة بيان لطب الاسنان :)
27 Feb 2012 Leave a Comment
مركز بيان لطب الاسنان عزمنا على عشا للمدونين وكان بالمطعم الايطالي ميلينزانيا
وصلنا الساعه 6:30 وكانوا اكثر المدونين موجودين استقبلونا يبان لطب الاسنان ماقصروا
ديكور المطعم حلو كل شي مقلوب
المينيو غريب فيه قفل ههه
اخترت ايس تي بنكهة الخوخ
بلشنا بالمقبلات والبدايه كانت ممتازه
بصراحه مادري شسم هالاكله بس اهو عباره عن كور بطاط محشيه
هذا الطبق كان وايد لذيذ خبز خفيف مع بيرقر وجرجير
بطاط مع جبن
مشروم بس غريب فيه طعم حالي لذيذ
طلبت بيتزا مع دياي خفيفه وحلوه انصح فيها the photographer
طلبي كان لذيذ لذيذ لذيذ باستا مع دياي مشوي
بالعافيه JACI هذا طلب
يا دور الحلو
اشكر بيان لطب الاسنان على العشا اكرمكم الله واستانسنا بشوفتكم والمطعم عجيب انصح فيه والي يحب الباستا خل يجرب طلبي لانه كان عجيب
البدع بعد مدخل فندق موفنبك
twitter : @bayandentalkw
UPPER CRUST زيارتنا لمطعم :)
27 Feb 2012 2 Comments
المطاعم احسن مكان نقدر نروحله بالاجازه فكرنا نجرب مطعم يديد وبعيد عن زحمة الشوارع
UPPER CRUST
دخلنا المطعم والاغاني الوطنيه عطت جو حلو حق المكان قررنا نقعد داخل لان الجو بارد
Lil teacher and The Je3da Drinks
سلطه سيزر مع دياي عجبتني بس الجعده تقول عاديه
يا دور البيتزا حاره وخفيفه طلبنا نص بافلو ونص فاهيتا والفاهيتا كانت وايد لذيذه اما البافلو طعم التاباسكو فيها كان وايد قوي
ماتحلى الوجبه الا مع النوتيلا
قبل ما نطلع حطونا هديه بمناسبة العيد الوطني للكويت
الهديه عباره عن علم الكويت وقلم ونوته صغيره وباج على علم الكويت
اللي يحب البيتزا انصحه بزيارة المطعم الخدمه ممتازه والبيتزا لذيذه
يعطيهم العافيه 
ابو الحصانيه ذا فيلج بجانب نستله
twitter : @UPPERCRUSTKWT
Makkah :)
22 Feb 2012 2 Comments
باول ويك اند من الدوامات قررنا نروح العمره قلنا الناس مداومين وماكو زحمه ,, طيارتنا الساعه 12 وصلنا المطار الساعه 10 وكان قمه بالهدوء
اول مره نجرب طيران ناس ,, وايد ناس امدحولنا اياه
خلصنا اجراءات السفر وناطرين الطياره
مع السلامه يا اغلى بلد
وصلنا مكه وهذا اهو فندقنا فيرمونت برج الساعه
اللوبي وريحت الورد فايحه بكل مكان
احب الرخام وايد
الريسبشن لا يغركم مو فاضي هذا الجزء الثاني منه خدمتهم بطيئه شوي باجرائات الدخول
وصلنا غرفتنا
مطبخ صغير حق الاشياء السريعه
الغرف السبيشل يصير معاهم جريده وفواكه وسويت كل يوم الصبح
الغرفه مطله على الحرم والمنظر عجيب
خطتنا كانت فاشله ومكه كانت وايد زحمه وصلنا الساعه 4 ماقدرنا نعتمر الا الساعه 10 بالليل عشان تخف الزحمه
ماي زمزم اول مره اشرب منه جذي
وخلصنا عمرتنا الساعه 2 الفير وبعد الرحله الطويله قررنا نطلب عشا بالغرفه لان مافينه شده نروح مكان
احلى منظر اقدر اشوفه اول ما اطل من الدريشه صلاة الفير من غرفتي ثبتنا الكامره و قتناها وصورتلنا هاللقطه
استانسنا وايد بالعمره و الفندق كان وايد حلو صج شوي بعيد عن الحرم لان ينزل بالسوق اول بس في غرف تطل على الحرم وشكل الحرم فيها وايد حلو
انشالله بالبوست الياي بنوريكم الاشياء الي صارتلنا هناك
وصلنا مكه
16 Feb 2012 4 Comments
احنا اليوم وصلنا مكه وبعد شوي بنعتمر انشالله
وعسى الله يتقبلها منا ,, وقلنا نسال الي نحبهم اذا يبون شي من مكه وانشالله بعد مانرجع بنكتب عن تفاصيل عمرتنا
From LONDON 2 kuwait ..
14 Feb 2012 Leave a Comment
style and more q8
مجموعه شباب عندهم مشروع صغير وانشالله يكبر مع الوقت الناس الي يحبون بضاعه لندن ومايقدرون يسافرون يتسوقون هناك هالشباب يابوهم لكم الكويت
واللي حاب يستفسر اكثر يقدر يشوف الفيسبوك
face book link
twitter :@styleandmoreq8
